काय केलंत देवा? हे बरं नाय झालं .

काय केलंत  देवा ?
हे बरं नाय झालं.
सपान दावलस आण,
पळभरात हिरावलस.
भावनेला खेळीवलस
मनाला झुलिवलस
मृगजळामागं  पळीवलस
ऐन भरात आनंदाला दगावलस
काय केलंत  देवा?  
हे बरं नाय झालं .
हुभ पिक नाय गेलं ;
ते मव्ह काळीजच मेलं …

बाप पुढारी,

बाप पुढारी,
मुलं त्याच्या जिवावर उड्या मारी,
त्यांची शानच न्यारी
कर्तुत्व शुन्य
तरीही,
मोठा पदाधिकारी नि,
'ऑडी' ची सवारी…
नेतेगीरीचा मोह भारी ,
पक्षाचा झेंडा घेवून निघते स्वारी …… 
लहानथोर मन मारून मुजरा करी
कारण बाप पुढारी
सत्तेसाठी लाचारी
म्हणून ही हुजुरेगिरी ……
 

मानवा काय तुझ्या हाती?

असहाय्य तू ,हतबल तू ,हताश तू
मानवा काय तुझ्या हाती?
अवकाळी पाऊस  नि अकाली मृत्यू
अवेळीच प्रगटती,
अवचितच अवतरती.
विनाकारण येती !
बेहिशोबी वेदना देवूनी जाती ……
मानवा काय तुझ्या हाती ?
हिशोब या बेमोसमाचा करता ….
विध्वंसक खुणा डोळ्या सलती
विदीर्ण जगणे मागे उरती.
ह्रदयाचे पिळवटने नि,
आसवांचे झरणेच शिल्लक राहती ……
मानवा काय तुझ्या हाती?
असहाय्य तू , हतबल तू, हताश तू …… 

my book

bhavna

भावनांना मरताना जाणीले
तिला मारतानाही पाहीले
दूर होताना तिच्यापासून ,
हतबल मनाचे हुंदकेही ऐकले
अंत्ययात्रेत तिच्या ,
एकाकी मनाचे आक्रंदनही पाहीले 
अबोल मन जिंकूनही हारले ……

अनोळखी होवुनी,
स्वतः ने  स्वतः ला  नव्याने भेटावे
मनाच्या दारातून डोकावून पहावे
भावनांच्या कवडशामध्ये उभा रहावे
त्या भावनांना भेटावे
मर्मबंधाचे बंध सोडावे
हसतच जगणे असे झेलावे
एका नव्या पहाटेचे ,
स्वागत असे करावे …
 

lene...

घडवताना देव विसरला
किंवा नशीबाचे देणे
म्हणून असे अपंगाचे लेणे
ना दुसऱ्यांना दोष देणे
सुखात जगतोय जिणे ….
सुंदर जिवनात आत्मविश्वासाची साथ,
सोबत प्रेमाचा हात ,
करुनी परिस्थितीवर मात,
सुखात जगतोय जिणे …
तुम्ही तसे आम्ही ,
सामान्य -साधारण ,
तुम्ही बनवताय आम्हास 'विशेष '!
करून देताय उणीवेची जाणीव
नि सहानुभूतीचा कहर ,
परंतु ,
नको आम्हास सहानुभूती
माना तुमच्यासारखेच
नि द्या हिच अनुभूती
कारण,
सुखात जगतोय जिणे ….
जाणिले या जगती
सुदृढ शरीराचे विध्वंसक जिवन
नि सुंदर जिवनाचे नकारात्मक जिणे
जिवन अपंग तरीही सुदृढ ?
मानसिकताच निराळी !…
सकळांना सांगणे असे ,
सुखात जगतोय जिणे ……