ठराविक काळ,इच्छापुर्तिचा …
म्हणजे आपलाच
काळ सरतो,
मागे राहतात खुणा
खुणा जपत,
आयुष्य सरकते
पुन्हा तो काळ येण्याची वाट बघत ….

समाज आणि भ्रष्टाचाराचे प्रातिनिधिक रूप …

. 

. 

. 

फुलाचे उमलणे,

त्याचे जगणे असते. 

मधमाशांनी मध चाखणे,

भुंग्याने त्याच्याभोवती गुणगुणणे,

फुलपाखराचे बागडणे,

हा निसर्गनियम  … 

पण…. 

त्याच फुलाची पाकळी न पाकळी खाणे ,

हा कसला निसर्गनियम ?

'पाटील'

'पाटील' नावाला उधाण आले,
राजकारणामुळे हे नाव 'रोषण'झाले.
समाजाला 'पाटील' चा संसर्ग झाला,
नि तो सुसाट वेगाने पसरू लागला.
कित्येकाच्या नावापुढे 'पाटील' झळकू लागले.
'पाटील'चे आडनाव बंधू पावलोपावली भेटू लागले.
समाजात 'पाटील'ची चलती सुरु झाली.
चांगल्या-वाईट प्रसंगी,
'अहो,आम्ही पण पाटीलच की !',
असे 'नसलेले'पाटील म्हणू लागले.
'पाटील-पाटील'म्हणून जवळीक साधू लागले.
आणि….
मूळ 'पाटील ' मात्र कपाळावर हात मारून ,
मूग गिळून  गप्प बसू लागले ….

मोकळा श्वास….

काळ्याकुट्ट मेघांनी भरलेल्या आभाळा,

जलधारांना का कोंडतोस?

का स्वतःचा श्वास गुदमरून टाकतोस?

रिमझीम बरसून का पाझरतोस? 

असा का थोडा थोडा झुरतोस?

मेघांना वाट दाखवून,

कोंडलेल्या जलधारांना सरसरू दे. 

आणि … 

गुदमरलेल्या श्वासाला मोकळे होवू दे …… 

पाऊस.

चार दिवसांपासून,

रिमझीम पाऊस.  

सर्द भिंती.  

कुंद हवा.  

बंदिस्त. … 

निसर्गाचा खेळ, 

नि,

न जाणारा वेळ…. ?

मोह होतो….

मोह होतो…. 

१]हॉटेलमध्ये थांबल्यानंतर चेक आऊट करताना,

बाथरूम किट चोरण्याचा …. 

२]हॉटेलमध्ये जेवल्यानंतर टुथपिक व बडीसोप 

जास्त घेण्याचा … 

३]खरेदी केलेल्या वस्तूपेक्षा त्याच्यासोबत येणा-या 

carybagचा …. 

४]भाजीवाल्याशी वाद घालून  एक रुपया वाचवण्याचा …. 

५]दुकानदाराशी गोड बोलून डिस्कावुंट मिळवण्याचा…. 

६]महागड्या गाडीतून प्रवास करताना टोलनाक्यावर 

वाद घालून पैसे वाचवण्याचा …. 

मोह होतो…. 

my creation..