निसर्गाचा शेतकऱ्यावर बलात्कार
त्यात निवडणुकीचा 'अविष्कार'
नेत्यांचा भावनिक अत्याचार
पुढाऱ्यांचा आश्वासनांचा कहर
सत्ताधाऱ्यांच्या घोषणांचा भडीमार
शासकीय मदतीची लुटमार
नेत्यांच्या डोळ्यात सत्तेचे स्वप्न ….
शेतकऱ्याच्या डोळ्यात विझलेले स्वप्न ,
थिजलेले अश्रू ……
नि डोळ्यासमोर भग्न जगणे,
जीवनावश्यक गरजांचे मरणे .
सोबतीला खंगलेले मन……

काय केलंत देवा? हे बरं नाय झालं .

काय केलंत  देवा ?
हे बरं नाय झालं.
सपान दावलस आण,
पळभरात हिरावलस.
भावनेला खेळीवलस
मनाला झुलिवलस
मृगजळामागं  पळीवलस
ऐन भरात आनंदाला दगावलस
काय केलंत  देवा?  
हे बरं नाय झालं .
हुभ पिक नाय गेलं ;
ते मव्ह काळीजच मेलं …

बाप पुढारी,

बाप पुढारी,
मुलं त्याच्या जिवावर उड्या मारी,
त्यांची शानच न्यारी
कर्तुत्व शुन्य
तरीही,
मोठा पदाधिकारी नि,
'ऑडी' ची सवारी…
नेतेगीरीचा मोह भारी ,
पक्षाचा झेंडा घेवून निघते स्वारी …… 
लहानथोर मन मारून मुजरा करी
कारण बाप पुढारी
सत्तेसाठी लाचारी
म्हणून ही हुजुरेगिरी ……
 

मानवा काय तुझ्या हाती?

असहाय्य तू ,हतबल तू ,हताश तू
मानवा काय तुझ्या हाती?
अवकाळी पाऊस  नि अकाली मृत्यू
अवेळीच प्रगटती,
अवचितच अवतरती.
विनाकारण येती !
बेहिशोबी वेदना देवूनी जाती ……
मानवा काय तुझ्या हाती ?
हिशोब या बेमोसमाचा करता ….
विध्वंसक खुणा डोळ्या सलती
विदीर्ण जगणे मागे उरती.
ह्रदयाचे पिळवटने नि,
आसवांचे झरणेच शिल्लक राहती ……
मानवा काय तुझ्या हाती?
असहाय्य तू , हतबल तू, हताश तू …… 

my book

bhavna

भावनांना मरताना जाणीले
तिला मारतानाही पाहीले
दूर होताना तिच्यापासून ,
हतबल मनाचे हुंदकेही ऐकले
अंत्ययात्रेत तिच्या ,
एकाकी मनाचे आक्रंदनही पाहीले 
अबोल मन जिंकूनही हारले ……

अनोळखी होवुनी,
स्वतः ने  स्वतः ला  नव्याने भेटावे
मनाच्या दारातून डोकावून पहावे
भावनांच्या कवडशामध्ये उभा रहावे
त्या भावनांना भेटावे
मर्मबंधाचे बंध सोडावे
हसतच जगणे असे झेलावे
एका नव्या पहाटेचे ,
स्वागत असे करावे …